Пошук

28.05.2021 12:24   Паводле: interfax-religion.ru / Пераклад і адаптацыя: Валянціна Грамыка / Catholic.by
Касцёл Божага Цела ў Нью-Йорку. Ілюстратыўнае фота

У касцёлах каталіцкай архідыяцэзіі Нью-Ёрка збіраюцца раздзяліць месцы для вакцынаваных вернікаў і тых, хто не прышчапіўся ад каранавіруснай інфекцыі.

Пры святынях, як паведамляе агенцтва interfax-religion.ru, будуць створаны секцыі для тых вернікаў, якія не атрымалі вакцыну і «хочуць працягваць захоўваць сацыяльную дыстанцыю».

Акрамя гэтага спяваць у хоры і служыць пры алтары змогуць толькі вакцынаваныя вернікі.

Падобнае новаўвядзенне будзе рэалізоўвацца і ў каталіцкай дыяцэзіі Брукліна. Раней біскуп Бруклінскі Нікалас ды Марцыё паведамляў, што каранцінныя абмежаванні ў святынях будуць паслаблены. Аднак, як стала вядома, змякчэнне абмежаванняў будзе распаўсюджвацца толькі на вакцынаваных парафіянаў. Астатнія павінны будуць захоўваць сацыяльную дыстанцыю і масачны рэжым.

Абноўлена 28.05.2021 16:26
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.