27 мая ў Берліне заклалі экуменічную царкву House of One, якая будзе служыць месцам рэлігійных сустрэч для прадстаўнікоў адразу трох рэлігій — хрысціянства, іўдаізма, іслама.
Як паведамляе interfax-religion.ru са спасылкай на тэлерадыёкампанію RBB, сучасны будынак з пясчаніка вышынёю 42 метры пабудуюць на плошчы Петрыплатц, на месцы фундамента разбуранай святыні XIII стагоддзя Петрыкірхе.
У будынку асобна будуць знаходзіцца царква, сінагога і мячэць, якія аб’яднае агульная зала.
Прысутны на цырымоніі закладкі спікер бундэстага Вольфганг Шойбле назваў праект «незвычайным», бо ініцыявалі яго прадстаўнікі трох рэлігій.
Кошт будаўніцтва ацэньваецца ў 47,3 мільёны еўра. На сёння сабрана 40 мільёнаў. Грошы паступілі з федэральнага і зямельнага бюджэтаў, а таксама з прыватных ахвяраванняў з больш чым 60 краін. Плануецца, што будаўніцтва завершыцца ў 2024-2025 гадах.
