Пошук



Ужо 42 тысячы чалавек падпісалі петыцыю да ўладаў ЗША, Індыі і Саудаўскай Аравіі аб вызваленні з ісламісцкага палону каталіцкага святара Тома Узаналіла.

Святар індыйскага паходжання быў захоплены тэрарыстамі ў еменскім горадзе Адэн 4 сакавіка 2016 года. У канцы таго ж месяца распаўсюдзілася інфармацыя, што ён быў забіты — укрыжаваны ў Вялікую пятніцу. Аднак гэтая інфармацыя была абвержана Канферэнцыяй Каталіцкіх Біскупаў Індыі і Апостальскім Вікарыятам Паўднёвай Аравіі.

У канцы мінулага года ў інтэрнэце з’явілася відэа, якое, верагодна, было зроблена тэрарыстамі. На ім змучаны чалавек, які, паводле Апостальскага Вікарыята, «вельмі падобны да айца Томаса Узаналіла».

У інтэрнэце зараз збіраюць подпісы з заклікам да міжнародных структур і моцных дзяржаў паспрыяць вызваленню святара. Падпісаць яе можна на сайце citizengo.org.

Аляксандр Гелагаеў

Абноўлена 05.06.2017 13:28
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця