Пошук


24.02.2017 08:36  

У маладых людзей Польшчы нарадзілася ідэя напісаць моладзі з Панамы, каб даць сведчанні на тэму Сусветных дзён моладзі і выказаць сваё меркаванне, чаму варта прыняць у іх актыўны ўдзел.

Пра гэта агенцтву КАІ паведаміў кс. Эміль Парафінюк, старшыня Нацыянальнага арганізацыйнага аддзела СДМ у Польшчы.

Як адзначае святар, многія маладыя людзі з Польшчы па розных прычынах не прынялі ўдзел у СДМ, які праходзіў у 2016 годзе ў Кракаве. Навучаныя гэтым досведам, яны жадаюць заахвоціць сваіх равеснікаў з Панамы, каб яны мабілізаваліся не толькі да падрыхтоўкі, але таксама ўзялі ўдзел у моладзевай сустрэчы.

«Краіна, якая арганізоўвае СДМ, часам паддаецца спакусе быць найперш арганізатарам, і толькі ў другую і трэцюю чаргу — удзельнікам. Тым часам (...), калі яна жадае быць добрым арганізатарам, трэба таксама быць удзельнікам гэтай падзеі», — заўважае старшыня арганізацыйнага аддзела СДМ у Польшчы.

Пісьмо да манамскай моладзі можа напісаць кожны: як той, хто ўдзельнічаў у СДМ, хто быў арганізатарам або валанцёрам, так і той, хто не адважыўся або не змог далучыцца да гэтай падзеі.

Таксама адна з мэтаў паслання польскай моладзі, як адзначыў кс. Парафінюк, — дадаць адвагі моладзі Панамы, якая часта падкрэслівае, што іх краіна невялікая і мае сціплыя арганізацыйныя магчымасці ў параўнанні з папярэднімі арганізатарамі.

(VGr)

Абноўлена 05.06.2017 13:28
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа