У агульнай колькасці 52 чалавекі на працягу першых шасці месяцаў з моманту ўступлення ў сілу закона аб добраахвотнай дапамозе паміраючым у аўстралійскім штаце Вікторыя скончылі жыццё самагубствам з дапамогай урача.
Як паведамляе CNA, у перыяд з 19 чэрвеня па 31 снежня 2019 года 136 жыхароў штата пачалі працэс атрымання смяротных лекаў для спынення свайго жыцця; 81 з іх быў выдадзены дазвол на спыненне свайго жыцця з дапамогай урача.
Гэтыя лічбы перавышаюць афіцыйныя прагнозы, паводле якіх толькі некалькі дзясяткаў чалавек павінны былі, на думку спецыялістаў, падаць заяўкі на спыненне свайго жыцця.
У Вікторыі, другім па колькасці насельніцтва штаце Аўстраліі, толькі дарослыя аўстралійскія грамадзяне або пастаянныя жыхары з «прагрэсіруючым захворваннем, якое, як чакаецца, прывядзе да смерці на працягу шасці месяцаў» або на працягу года для нейрадэгенератыўных захворванняў, маюць права на суіцыд з дапамогай урача. Пацыенты таксама павінны мець магчымасць прымаць і выказваць рашэнне аб спыненні свайго жыцця і пражываць у штаце Вікторыя не менш 12 месяцаў.
Вікторыя стала першым аўстралійскім штатам, дзе была легалізавана форма самагубства з дапамогай урача.
У ліпені ў гэтым штаце быў выдадзены першы дазвол на аказанне дапамогі ў самагубстве.
Лічбы ў канчатковым аналізе справаздачы перавысілі ацэнкі, зробленыя ў ліпені 2019 года.
Як заявіла ў ліпені міністр аховы здароўя штата Вікторыя Джэні Микакос, дзяржаўныя чыноўнікі чакалі, што каля дзясятка чалавек скончаць сваё жыццё ў першы год законнай добраахвотнай дапамогі паміраючым, а пікам будзе каля 150 чалавек кожны год.
У адпаведнасці з гэтым законам Савет па разглядзе выпадкаў добраахвотнага аказання дапамогі паміраючым павінен прадстаўляць даклад кожныя шэсць месяцаў на працягу першых двух гадоў легалізацыі выпадкаў аказання дапамогі паміраючым. Даклад, апублікаваны ў сераду, стаў другім з гэтых дакладаў.
