Пошук


07.02.2019 14:47   Паводле: Vatican News
Ілюстрацыйнае фота. plenglish.com

Кіраўнік прэс-службы Святога Пасаду Алессандро Джызоцці пракаментаваў магчымасць пасрэдніцкага ўдзелу папы Францішка ў вырашэнні венесуэльскага крызісу, пра што Святога Айца прасіў Нікалас Мадура.

«Святы Айцец заўсёды дзейнічае з асцярожнасцю і таму пакідае за сабой права вывучэння гатоўнасці абодвух бакоў, каб канстатаваць, ці існуюць умовы для гэтага шляху», — сказаў афіцыйны прадстаўнік Святога Пасаду, адказваючы на пытанне журналістаў, паведаміла беларуская рэдакцыя паратала Vatican News.

Размаўляючы з журналістамі па дарозе з Абу-Дабі ў Рым, Францішак не выключыў пасрэдніцтва Апостальскай Сталіцы ў якасці апошняй меры, калі ўсе іншыя ўжо выкарыстаныя.

Такі варыянт, падкрэсліў ён, магчымы толькі тады, калі аб гэтым папросяць абодва бакі. «Гэта — абавязковая ўмова», — патлумачыў Папа.

Раней, праводзячы прэс-канферэнцыю на борце самалёта падчас пералёту з Панамы ў Рым, Святы Айцец прызнаўся, што яго непакоіць магчымасць праліцця крыві ў Венесуэле. Пантыфік падкрэсліў, што з’яўляецца пастырам усіх венесуэльскіх католікаў і адстойвае інтарэсы ўсяго народа гэтай краіны.

Абноўлена 07.02.2019 14:49
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця