Нядаўна ў Ватыканскай фільматэцы быў прадстаўлены дакументальны фільм пра вядомага французскага тэолага, геолага і палеантолага айца езуіта Тэяра дэ Шардэна SJ, творцу канцэпцыі наасферы, які памёр 10 красавіка 1955 года.
Як тлумачыцца на сайце jezuity.by, наасфера — гэта наступная «сфера» пасля геасферы і біясферы. Яна ўтвараецца чалавечай думкай, якая эвалюцыянуе да «пункта Амега» — больш высокага ўзроўню чалавечай свядомасці, праяўленай у Хрысце. Калі сказаць яшчэ больш лаканічна: з часам мы ўсе станемся Езусам Хрыстом. Калі працэс «хрыстагенезісу» дасягне сваёй паўнаты, Хрыстус будзе ўсім ва ўсіх.
У адрозненне ад часоў Тэяра дэ Шардэна, сёння мы не задаёмся пытаннем, ці існуе эвалюцыя, а спрабуем зразумець, куды яна нас прывядзе і як мы можам на яе паўплываць.
Фільм «Тэяр: вучоны-візіянер» можна паглядзець да 20 мая 2026 года (працягласць: 1 гадзіна 58 хвілін, фільм на анлійскай мове, даступныя англійскія субтытры)) па спасылцы ТУТ>>>
Пачытаць падрабязней пра асобу П'ера Тэяра дэ Шардэна, адну з самых захапляльных і складаных постацей у навуковай думцы XX стагоддзя, можна на сайце беларускіх езуітаў па спасылках ТУТ>>> і ТУТ>>>
