8 кастрычніка распачаўся Юбілей кансэкраванага жыцця ў Рыме. Сярод удзельнікаў з усяго свету ёсць таксама прадстаўнікі манаскіх супольнасцяў з Беларусі. У сустрэчы прымаюць ўдзел 4 законныя сястры з Мінска-Магілёўскай архідыяцэзіі і Пінскай дыяцэзіі: сёстры Місіянеркі Святой Сям’і і сястра Уршулянка Сэрца Езуса Канаючага.
Сустрэча распачалася індывідуальным пераходам кансэкраваных асоб праз юбілейную браму ў Базыліцы Святога Пятра, пасля чаго адбылося чуванне, прысвечанае тэме надзеі і супакою.
У чацвер, 9 кастрычніка, прадстаўнікі манаскіх супольнасцяў усяго свету ўдзельнічалі ў Эўхарыстыі, якую цэлебраваў Папа Леў XIV. Святы Айцец заклікаў кансэкраваных асоб быць знакам надзеі для ўсяго чалавецтва.
