Ілюстрацыйнае фота: Gregorio Borgia / AP
10 сакавіка ў Ватыкане падчас нядзельнай малітвы «Анёл Панскі» Папа Францішак у прамове да пілігрымаў і турыстаў нагадаў пра Міжнародны жаночы дзень і выказаў сваю блізкасць да ўсіх жанчын, асабліва да тых, чыя годнасць не паважаецца.
Як паведамляе Англійская рэдакцыя парталу Vatican News, Святы Айцец заўважыў, што кожнаму з нас яшчэ шмат трэба зрабіць для забеспячэння роўнай годнасці жанчын, каб яна была на справе прызнана.
Пантыфік нагадаў, што сацыяльныя і палітычныя інстытуты маюць фундаментальны абавязак абараняць і падтрымліваць годнасць кожнай чалавечай асобы, ствараючы жанчынам, носьбітам жыцця, неабходныя ўмовы, каб яны маглі прыняць дар мацярынства і забяспечыць сваім дзецям годнае жыццё.
