З 31 кастрычніка афіцыйны мабільны дадатак Юбілею 2025 года даступны для загрузкі ў Play Store для Android і ў App Store для iOS.
Як паведамляе беларуская рэдакцыя парталу Vatican News, новы дадатак, распрацаваны па ініцыятыве Дыкастэрыі па Евангелізацыі, значна палегчыць удзел у мерапрыемствах, звязаных з маштабнай падзеяй.
Праз дадатак iubilaeum25, даступны на шасці мовах, можна атрымаць доступ да ўсіх апошніх навін пра Юбілей, зарэгістравацца ў якасці пілігрыма Святога Года і бясплатна атрымаць Карту пілігрыма.
Пасля рэгістрацыі на партале кожны зможа заявіць пра свой удзел у юбілейных мерапрыемствах і пілігрымцы да Святых Дзвярэй.
З дапамогай інтуіцыйна зразумелага і простага меню карыстальнікі змогуць захаваць падзеі, якія іх цікавяць, атрымаць больш хуткі доступ да персанальнага кабінета і мець унікальны QR-код для праходу праз Святыя Дзверы.
