Выстава каранаваных абразоў Маці Божай распачнецца ў Ватыкане 31 мая, у свята Адведзінаў Найсвяцейшай Панны Марыі, і працягнецца да 7 кастрычніка, калі будзе адзначацца ўспамін Найсвяцейшай Панны Марыі Ружанцовай.
Як паведаміла Беларуская рэдакцыя парталу Vatican News, сярод экспанатаў выставы, якая размесціцца ў Музеі базылікі святога Пятра, жывапісныя рэпрадукцыі абразоў розных часоў і паходжання, а таксама статуі, рэльефы, мазаікі і насценныя роспісы, якія атрымалі дазвол на ўрачыстую каранацыю ў адпаведнасці з цырыманіялам Святога Пасаду, які дзейнічаў амаль чатыры стагоддзі.
Гэта першая з шэрагу выставаў каранаваных марыйных абразоў, якія плануецца правесці ў Ватыкане. На ёй будуць выстаўлены пятнаццаць карцін алеем на палатне, прывезеных з пятнаццаці дыяцэзій Італіі.
На наступных увазе наведвальнікаў будуць прадстаўлены абразы з Італіі, Еўропы і свету.
Падчас выставы, якая прадэманструе глыбокую адданасці вернікаў Маці Божай, у ватыканскай базіліцы пройдуць культурныя ініцыятывы і малітоўныя сустрэчы.
На тэрыторыі сучаснай Беларусі было каранавана дзесяць абразоў Маці Божай. Сёлета ўрачыста адзначаецца юбілей 25-годдзя з часу каранацыі найбольш вядомай у нашай краіне іконы Багародзіцы — цудадзейнага абраза Маці Божай Будслаўскай, Апякункі Беларусі.
