Дыкастэрыя па справах свецкіх, сям’і і жыцця апублікавала разважанні да ружанцовай малітвы для заручаных, заклікаўшы іх у чэрвені разам маліцца на ружанцы і атрымаць поўны адпуст.
Як паведаміла Беларуская рэдакцыя парталу Vatican News, пра магчымасць атрымання адпусту гаворыцца ў дэкрэце Апостальскай пэнітэнцыярыі, прымеркаваным да Юбілейнага года святога Юзафа.
Разважанні, апублікаваныя на старонцы Дыкастэрыі, перакладзены на 5 моваў.
Жаніх і нявеста змогуць атрымаць поўны адпуст падчас кожнага ружанцовага набажэнства (не абавязкова з выкарыстаннем ватыканскіх разважанняў) пры звычайных умовах (сакрамэнтальная споведзь, святая Камунія і малітва ў інтэнцыях Святога Айца).
Юбілейны год у гонар св. Юзафа праходзіць у Каталіцкім Касцёле з 8 снежня 2020 г. па 8 снежня 2021 г.
