21 снежня Папа Францішак сустрэўся на аўдыенцыі з прэфектам Кангрэгацыі па справах кананізацыі арцыбіскупам Марчэло Сэмерара і ўхваліў дэкрэты, якія датычаць некалькіх беатыфікацыйных спраў.
Як паведамляе беларуская рэдакцыя парталу Vatican News, першым дакументам была пацверджана мучаніцкая смерць Слугі Божага Разарыо Анджэло Ліваціна, свецкага верніка з Італіі, якога забілі 21 верасня 1990 г. з нянавісці да веры.
Сем іншых дэкрэтаў, ухваленых Папам, пацвярджаюць гераічнасць цнотаў іерархаў, святароў і кансэкраваных асобаў.
Гаворка ідзе пра двух біскупаў: іспанца Васко дэ Кірога, памерлага ў Мексіцы ў 1565 г., і італьянца Бэрнардыно Пічынэлі, памерлага ў Анконе ў 1984 г. Наступныя дэкрэты датычацца дыяцэзіяльных святароў: іспанца Вінсэнтэ Гансалеса Суарэса, памерлага ў 1851 г., і двух італьянцаў: Антоніо Сэгэцы, памерлага ў Дахаў (Германія) 21 мая 1945 г., і Бэрнардо Антаніні, памерлага ў Карагандзе (Казахстан) у 2002 г.
Іншымі дэкрэтамі пацвярджаецца гераічнасць цнотаў дзвюх кансэкраваных асобаў: салезіяніна Ігнацыя Стухлы, памерлага ў Лукаве (Чэхія) у 1953 г., і італьянкі Розы Сталтары з Кангрэгацыі Дачок Марыі Найсвяцейшай Суадкупіцельніцы, памерлай у Палерма ў 1974 г.
