5 мая Папа Францішак запрасіў вернікаў ахінуць асаблівай малітвай дыяканаў — «вартаўнікоў служэння ў Касцёле».
Інтэнцыя была перададзена праз Сусветную сетку малітвы Папы.
У кароткім відэазвароце Святы Айцец перадусім падкрэсліў:
«Дыяканы — гэта не святары „другой катэгорыі“. Яны з’яўляюцца часткай духавенства і жывуць сваім пакліканнем у сям’і і з сям’ёю».
Папа дадаў, што дыяканы прысвячаюць сябе служэнню бедным, якія носяць у сабе аблічча церпячага Хрыста.
«Яны — вартаўнікі служэння ў Касцёле. Будзем маліцца аб тым, каб дыяканы, верныя служэнню Слова і бедным, былі знакам, які ажыўляе ўвесь Касцёл», — заклікаў Святы Айцец.
