Па добрай традыцыі павіншаваць са святамі, уручыць невялікія падарункі і дапамагчы з раздачай ежы супрацоўнікі дабрачыннай каталіцкай арганізацыі Caritas наведалі сталовую для бяздомных «Водгук» у Мінску (вул. Матусевіча, 15).
Штодня тут атрымліваюць гарачае харчаванне і піццё каля 70 чалавек.
У пачатку студзеня супрацоўнікі Caritas таксама плануюць віншаваць з мінулымі святамі бяздомных у Доме начнога знаходжання на вул. Ваўпшасава, 42 і дзяліцца з імі аплаткамі.
Дапамагчы праекту можна праз сістэму АРІП (нумар паслугі 434 9831) ці па USSD-запыце для абанентаў МТС: *222*16# (сума 2 рублі = адна вячэра).
