Кім быў Езус? Чаму Ён стаў чалавекам і якім чынам збавіў нас на крыжы?
Анімацыйны праект «3 хвіліны Катэхізісу» складаецца з 72-х намаляваных ад рукі эпізодаў працягласцю ў тры–чатыры хвіліны, якія з пазіцый хрысціянскага светапогляду тлумачаць асновы каталіцкай веры.
Першапачаткова ролікі былі выпушчаны на двух дысках, але сёння яны даступныя для бясплатнага прагляду. Іх можна глядзець на юцюбе або ўсталяваць мабільны дадатак і ўключаць на сваім смартфоне.
Кароткія прэзентацыі, у якіх тлумачацца пытанні з Катэхізіса, будуць карыснымі для ўсіх узроставых груп. Анімацыйныя ролікі можна выкарыстоўваць у падрыхтоўцы да катэхезы, у малітоўных групах і душпастырскай дзейнасці.
Праект перакладзены на шматлікія мовы свету, у тым ліку рускую. Па-беларуску праект, на жаль, яшчэ не агучваўся цалкам.
