Гэтую фігуру цяпер можна ўбачыць у адным з самых папулярных турыстычных пунктаў Беларусі — на агляднай пляцоўцы экалагічнай сцежкі нацыянальнага парку Нарачанскі «Блакітныя азёры».
Анёл з крыжам, апрануты ў даўгую беларускую вышываную кашулю і з птушкай у руках, з’явіўся на высокім узгорку, з якога адкрываецца велічная панарама азёраў Глубля і Глубелька.
Нябесны пасланец — герой народных паданняў і легенд, якія з даўніх часоў апавядаюць пра цудоўнае ўзнікненне незямной прыгажосці Блакітных азёраў.
