3 лістапада ў Паставах святары з законніцкай супольнасці сэрцанаў правялі сустрэчу моладзі «Неардынарныя», у якой узялі ўдзел каля 80 хлопцаў і дзяўчат з Пастаўскага і Глыбоцкага дэканатаў.
Уся сустрэча праходзіла ў сэрцанскім доме «Дэон». Моладзь прадставіла сваю групу кожная паасобку, пасля чаго адбылася канферэнцыя на тэму святасці, якую прамовіў кс. Эдуард Сінкевіч SCI.
Вечар працягнуўся за супольнай вячэрай і забавамі, а таксама адарацыяй Найсвяцейшага Сакрамэнту і малітвай праслаўлення, якую праводзіў дыякан Дзмітрый Прыступа SCI.
Урачыстую св. Імшу на заканчэнне сустрэчы цэлебраваў ардынарый Віцебскай дыяцэзіі біскуп Алег Буткевіч, а Божае слова на тэму неардынарнасці і парадоксу веры ў Езуса Хрыста прамовіў дк. Дзмітрый. Пастырскае бласлаўленне, якое ўдзяліў моладзі біскуп Алег, паклікана дапамагчы юнакам і дзяўчатам імкнуцца да святасці ў штодзённым жыцці.
