![](/3/images/news/2018/09/8601/2018-09-19-wds-002.jpg)
19 верасня ў Міждыяцэзіяльнай вышэйшай духоўнай семінарыі ў Гродне распачаўся новы навучальны год. Святую Імшу з гэтай нагоды ў семінарыі цэлебраваў арцыбіскуп Тадэвуш Кандрусевіч.
Іерарх прыгадаў, што ў 1990 годзе ён стаяў ля вытокаў гэтай установы, якая стала першай каталіцкай семінарыяй у Беларусі на той час. На першым курсе ў ёй вучыліся і семінарысты з Украіны, таму яна атрымала нават міжнародны статус.
![](/3/images/news/2018/09/8601/2018-09-19-wds-003.jpg)
«Сёлета згодна з рашэннем Апостальскага Пасаду Вышэйшая духоўная семінарыя ў Гродне становіцца міждыяцэзіяльнай – падрыхтоўку да святарства ў ёй будуць праходзіць кандыдаты з Мінска-Магілёўскай архідыяцэзіі, а таксама з Гродзенскай і Віцебскай дыяцэзій», – заўважыў Мітрапаліт.
У сваёй гаміліі іерарх паглыбіўся ў этымалогію слова «семінарыя». Паводле арцыбіскупа, яно паходзіць з лацінскага seminarium – школа маладых дрэўцаў або раслін.
Першыя семінарыі былі заснаваны пасля Трыдэнцкага Сабору (1545-1563) і сталі адным з важнейшых элементаў аднаўлення Касцёла.
Задача семінарыі – падрыхтаваць тых, якія будуць не толькі абвяшчаць Божае слова, удзяляць сакрамэнты і здзяйсняць іншыя паслугі, але і якія павінны стаць духоўнымі лідарамі людзей. Ад якасці святароў будзе залежаць і якасць служэння Касцёла.
![](/3/images/news/2018/09/8601/2018-09-19-wds-011.jpg)
«Святарства – пакліканне, а не прафесія»
Арцыбіскуп адзначыў, што семінарыя як месца фармацыі падобна да таго, «як дзейнічаў з апосталамі Хрыстус – яны слухалі Яго словы, якія рыхтавалі іх да перажывання Пасхальнай таямніцы і спаслання Святога Духа».
Як падкрэсліў Мітрапаліт, святарства – гэта не прафесія, а пакліканне. Тым не менш у семінарыі існуюць свае правілы і свой парадак.
«Семінарыя – месца здабывання чалавечай сталасці, каб быць здольным выконваць святарскае служэнне па прыкладзе Хрыста. Гэтаму павінна служыць паглыбленне веры і імкненне да святасці кандыдатаў да святарства.
![](/3/images/news/2018/09/8601/2018-09-19-wds-007.jpg)
Духоўная фармацыя паклікана паглыбляць дух Евангелля і развіваць цесную сувязь з Хрыстом», – адзначыў арцыбіскуп, прыводзячы словы св. Яна Паўла ІІ з яго Апостальскага зварота Pastores dabo vobis.
«Трэба памятаць, што больш чым паўтысячагадовы досвед існавання семінарый значна большы за наш жыццёвы. Гэты досвед трэба шанаваць і карыстацца ім», – нагадаў іерарх.
![](/3/images/news/2018/09/8601/2018-09-19-wds-010.jpg)
Арцыбіскуп дадаў, што святарскае служэнне заўсёды патрабуе ад святара чалавечых якасцяў, глыбокай і жывой веры, адпаведнага ўзроўню і ўмення эфектыўнага апостальства, а «таму ўжо ў семінарыі неабходна праз усебаковую фармацыю атрымаць глыбокае разуменне Божых спраў, каб дзейнічаць in persona Christi на хвалу Бога і для збаўлення людзей».
![](/3/images/previews/news/2018/09/8601/s-2018-09-19-wds-001-cb.jpg)
![](/3/images/previews/news/2018/09/8601/s-2018-09-19-wds-002-cb.jpg)
![](/3/images/previews/news/2018/09/8601/s-2018-09-19-wds-003-cb.jpg)
![](/3/images/previews/news/2018/09/8601/s-2018-09-19-wds-004-cb.jpg)
![](/3/images/previews/news/2018/09/8601/s-2018-09-19-wds-005-cb.jpg)
![](/3/images/previews/news/2018/09/8601/s-2018-09-19-wds-006-cb.jpg)
![](/3/images/previews/news/2018/09/8601/s-2018-09-19-wds-007-cb.jpg)
![](/3/images/previews/news/2018/09/8601/s-2018-09-19-wds-008-cb.jpg)
![](/3/images/previews/news/2018/09/8601/s-2018-09-19-wds-009-cb.jpg)
![](/3/images/previews/news/2018/09/8601/s-2018-09-19-wds-010-cb.jpg)
![](/3/images/previews/news/2018/09/8601/s-2018-09-19-wds-011-cb.jpg)
![](/3/images/news/2018/09/8601/2018-09-19-wds-001.jpg)
![](/3/images/news/2018/09/8601/2018-09-19-wds-002.jpg)
![](/3/images/news/2018/09/8601/2018-09-19-wds-003.jpg)
![](/3/images/news/2018/09/8601/2018-09-19-wds-004.jpg)
![](/3/images/news/2018/09/8601/2018-09-19-wds-005.jpg)
![](/3/images/news/2018/09/8601/2018-09-19-wds-006.jpg)
![](/3/images/news/2018/09/8601/2018-09-19-wds-007.jpg)
![](/3/images/news/2018/09/8601/2018-09-19-wds-008.jpg)
![](/3/images/news/2018/09/8601/2018-09-19-wds-009.jpg)
![](/3/images/news/2018/09/8601/2018-09-19-wds-010.jpg)
![](/3/images/news/2018/09/8601/2018-09-19-wds-011.jpg)
«Вышэйшая духоўная семінарыя ў Гродне, даверся Богу, не бойся цяжкасцяў, смела ідзі наперад і працягвай свае слаўныя традыцыі падрыхтоўкі новых працаўнікоў жніва Хрыстовага!» – заключыў Мітрапаліт Кандрусевіч.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)