Пошук
13.09.2018 19:02   Catholic.by
У 2017 годзе пасяджэнне ўпершыню прайшло ў Мінску

13 верасня ў Познані распачалося пленарнае пасяджэнне старшынь Біскупскіх Канферэнцый Еўропы. Беларускі епіскапат на ім прадстаўляе арцыбіскуп Тадэвуш Кандрусевіч.

У Познані сёлета адзначаюць 1050-годдзе з моманту заснавання ў гэтым горадзе найстарэйшай каталіцкай дыяцэзіі Польшчы.

У 2017 годзе форум праходзіў у беларускай сталіцы.

На адкрыцці форума, які сёлета прысвечаны салідарнасці ў Еўропе, выступіў прэм’ер-міністр Польшчы Матэуш Маравецкі. З асобным словам да прысутных звярнуліся таксама старшыня польскага епіскапату арцыбіскуп Станіслаў Гандэцкі і старшыня Рады Канферэнцый Біскупаў Еўропы кардынал Анджэло Баньяска.

Арцыбіскуп Тадэвуш Кандрусевіч і кардынал Анджэло Баньяска

Асобна быў зачытаны ліст прывітання ад папы Францішка. 

14 верасня ўдзельнікі каталіцкага форума засяродзяцца на тэме валанцёрства ў Касцёле Еўропы. 15 верасня біскупы будуць разважаць пра салідарнасць паміж Касцёлам і народамі Еўропы. У гэты дзень да ўдзельнікаў пасяджэння звернецца Прэзідэнт Польшчы Анджэй Дуда.

Завершыцца пасяджэнне святой Імшой у познаньскай катэдры ў інтэнцыі Еўропы.

Абноўлена 14.09.2018 12:55
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця