12 жніўня св. Імшой і вернісажам завяршыўся IV Міжнародны мастацкі пленэр, які праходзіў у пабернардынскім кляштары ў Друі (Віцебская дыяцэзія).
Удзел у сёлетнім мастацкім форуме бралі 16 майстроў жывапісу з Беларусі і з-за мяжы.
На заканчэнне пленэру біскуп Віцебскі Алег Буткевіч адзначыў:
«Спачатку было Слова. Спачатку была ідэя. Спачатку была думка. Імкнучыся стаць удзельнікам духоўнага, прапусціць праз свой унутраны свет абстрактныя матэрыі і такім чынам іх спасцігнуць, чалавек узяўся выяўляць навакольны матэрыяльны свет, знаходзячы ў ім дасягальнасць Стварэння».
