Пошук

07.06.2018 16:13   Тэкст: кс. Юрый Жэгарын / Фота: Ганна Якімовіч / Catholic.by

2 чэрвеня пры парафіі св. Міхала Арханёла ў Навагрудку (Гродзенская дыяцэзія) пры падтрымцы нацыянальнага дабрачыннага каталіцкага таварыства Caritas прайшоў аднадзённы курс фінансавай адукаванасці для сем’яў «Плануй сваю будучыню».

Курс-трэнінг сабраў 25 удзельнікаў рознага ўзросту, пераважна з Навагрудка.

Пад кваліфікаваным кіраўніцтвам фінансавага трэнера, члена каардынацыйнай рады пры Савеце міністраў і Нацбанку РБ Ігара Мікульчыка, яны пазнавалі сямейныя фінансавыя мэты, метады і магчымасці зберажэнняў грошай, ашчадныя інструменты, разумнае крэдытаванне і распрацоўку фінансавага плана.

 

Сваімі ўражаннямі падзялілася ўдзельніца курсу-трэнінгу Ганна Хацян:

Мяне ўразіў высокі ўзровень правядзення гэтага курсу-трэнінгу, а таксама вельмі практычныя і патрэбныя тэмы для кожнай, асабліва маладой сям’і, каб планаваць сваю фінансавую бяспеку. На мой погляд, кожная маладая сям’я павінна прайсці гэты курс, каб не рабіць вялікіх фінансавых памылак.

На заканчэнне курсу ўдзельнікі атрымалі ад нацыянальнага Сaritas адпаведныя сертыфікаты.

Абноўлена 07.06.2018 23:42
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа