Удзельнікі дыяцэзіяльнай сустрэчы моладзі ў Івянцы, 2015 г. Фота Віталія Палінеўскага.
Сустрэча моладзі Мінска-Магілёўскай архідыяцэзіі, якая звычайна праходзіла ў Івянцы, сёлета не адбудзецца. Пра гэта распавёў арцыбіскуп Тадэвуш Кандрусевіч.
Такое рашэнне было прынята ў сувязі з правядзеннем ІІІ Усебеларускай сустрэчы маладых католікаў у Гродне 29 красавіка – 1 мая.
Іерарх дадаў, што форум будзе праведзены ўнутранымі сіламі Касцёла, спецыяльных гасцей з-за мяжы не будзе.
«Усё не так проста. Нават калі кагосьці запрашаць, то прыезд госця трэба ўзгадняць з Упаўнаважаным па справах рэлігій і нацыянальнасцяў», — зазначыў арцыбіскуп.
Таксама стала вядома, што Музычная майстэрня ў Івянцы пройдзе сёлета, як і звычайна.
