Пошук



13 лютага ў пінскай катэдральнай базыліцы і Міждыяцэзіяльнай вышэйшай духоўнай семінарыі прайшла пастырская сустрэча святароў і кансэкраваных асобаў Пінскай дыяцэзіі.

Сустрэча пачалася супольнай адарацыяй Найсвяцейшага Сакрамэнту, духоўнай канферэнцыяй і Эўхарыстыяй, да якой далучылася супольнасць семінарыстаў.

Святую Імшу ў межах пастырскай сустрэчы ўзначаліў біскуп Пінскі Антоні Дзям’янка. На пачатку літургіі пастыр дыяцэзіі заахвоціў усіх сабраных да радасці з перажывання супольнасці ў Хрысце. Быць разам, адчуваць сябе часткай Хрыстовага Касцёла, служыць дзеля справы збаўлення – гэта, па словах іерарха, тое, што мы асабліва адчуваем, калі збіраемся разам. Біскуп звярнуў увагу, што такога роду духоўныя і пастырскія сустрэчы вельмі важныя асабліва для тых святароў і кансэкраваных асобаў, якім прыходзіцца несці сваё служэнне ў самоце, у аддаленых парафіях дыяцэзіі, якая распасціраецца з усходу на захад амаль на тысячу кіламетраў.

Пасля супольнай Эўхарыстыі адбылася адмысловая сустрэча, падчас якой пастыр дыяцэзіі пазнаёміў сабраных з вынікамі візіту епіскапату Беларусі ў Апостальскую Сталіцу. Біскуп Антоні Дзям’янка перадаў святарам і кансэкраваным асобам благаслаўленне Святога Айца. Таксама сабраныя ўзгаднілі душпастырскую праграму асноўных мерапрыемстваў на бягучы год, які ў Каталіцкім Касцёле асабліва прысвечаны справам моладзі.

Наступная сустрэча духавенства і кансэкраваных асобаў Пінскай дыяцэзіі запланавана на Вялікі чацвер, 29 сакавіка.

Абноўлена 15.02.2018 15:45
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа