Дабрачыннае каталіцкае таварыства «Карытас» Пінскай дыяцэзіі правяло ў дзіцячым сацыяльным прытулку в. Пелішча Камянецкага раёна дабрачынную акцыю «Падары дзіцяці радасць».
Ужо не першы год дзякуючы неабыякавым да чужой бяды католікам, а таксама з дапамогай ахвяраванняў, сабраных у скарбонках, размешчаных у супермаркетах і крамах «Еўраопт» г. Брэста, для дзяцей прытулку была арганізавана дапамога ў выглядзе канцтавараў, фламастэраў, расфарбовак, развіваючых гульняў і цацак. Іх перадалі дзецям, якія маюць патрэбу ў абароне і падтрымцы. Дзеці з цікавасцю разглядалі падарункі.
У прытулку знаходзяцца дзеці, якія часова змяшчаюцца ў гэты дом да наладжвання складанай жыццёвай сітуацыі ў сем’ях.
Госці пажадалі дзецям і выхаваўцам усяго самага добрага і радаснага, усведамляючы, наколькі важна даць любоў і клопат тым, хто не заўсёды атрымліваў іх у сваёй сям’і.
