У межах Тыдня малітваў за адзінства хрысціянаў 25 студзеня, у свята Навяртання св. апостала Паўла, у магілёўскай катэдры Унебаўзяцця Найсвяцейшай Панны Марыі і св. Станіслава пад кіраўніцтвам біскупа Аляксандра Яшэўскага SDB адбылася супольная малітва прадстаўнікоў розных хрысціянскіх канфесій Магілёўшчыны, якая сабрала шматлікіх мясцовых вернікаў.
У малітве прынялі ўдзел прадстаўнікі Праваслаўнай Царквы: ад Магілёўска-Мсціслаўскай епархіі — благачынны Магілёўскай гарадской акругі протаіерэй Сяргей Лабада, а ад Бабруйска-Быхаўскай епархіі — протаіерэй Дзмітрый Баркар. Грэка-Каталіцкую Царкву прадставіў айцец Васіль Ягораў, а пратэстанцкую супольнасць — галоўны пастар Прэсвітэрыянскай супольнасці Іван Масюра.
На малітве прысутнічаў і прадстаўнік дзяржаўнай улады — кіраўнік сектара па справах рэлігій і нацыянальнасцяў пры Магілёўскім аблвыканкаме Сяргей Савенка.
![](/3/images/previews/news/2018/01/7455/s-2018-01-26-ecumene-019-cb.jpg)
![](/3/images/previews/news/2018/01/7455/s-2018-01-26-ecumene-003-cb.jpg)
![](/3/images/previews/news/2018/01/7455/s-2018-01-26-ecumene-004-cb.jpg)
![](/3/images/previews/news/2018/01/7455/s-2018-01-26-ecumene-005-cb.jpg)
![](/3/images/previews/news/2018/01/7455/s-2018-01-26-ecumene-001-cb.jpg)
![](/3/images/previews/news/2018/01/7455/s-2018-01-26-ecumene-007-cb.jpg)
![](/3/images/previews/news/2018/01/7455/s-2018-01-26-ecumene-008-cb.jpg)
![](/3/images/previews/news/2018/01/7455/s-2018-01-26-ecumene-009-cb.jpg)
![](/3/images/previews/news/2018/01/7455/s-2018-01-26-ecumene-010-cb.jpg)
![](/3/images/previews/news/2018/01/7455/s-2018-01-26-ecumene-011-cb.jpg)
![](/3/images/previews/news/2018/01/7455/s-2018-01-26-ecumene-012-cb.jpg)
![](/3/images/previews/news/2018/01/7455/s-2018-01-26-ecumene-013-cb.jpg)
![](/3/images/previews/news/2018/01/7455/s-2018-01-26-ecumene-014-cb.jpg)
![](/3/images/previews/news/2018/01/7455/s-2018-01-26-ecumene-015-cb.jpg)
![](/3/images/previews/news/2018/01/7455/s-2018-01-26-ecumene-016-cb.jpg)
![](/3/images/previews/news/2018/01/7455/s-2018-01-26-ecumene-017-cb.jpg)
![](/3/images/previews/news/2018/01/7455/s-2018-01-26-ecumene-018-cb.jpg)
![](/3/images/previews/news/2018/01/7455/s-2018-01-26-ecumene-006-cb.jpg)
![](/3/images/previews/news/2018/01/7455/s-2018-01-26-ecumene-002-cb.jpg)
![](/3/images/news/2018/01/7455/2018-01-26-ecumene-019.jpg)
![](/3/images/news/2018/01/7455/2018-01-26-ecumene-003.jpg)
![](/3/images/news/2018/01/7455/2018-01-26-ecumene-004.jpg)
![](/3/images/news/2018/01/7455/2018-01-26-ecumene-005.jpg)
![](/3/images/news/2018/01/7455/2018-01-26-ecumene-001.jpg)
![](/3/images/news/2018/01/7455/2018-01-26-ecumene-007.jpg)
![](/3/images/news/2018/01/7455/2018-01-26-ecumene-008.jpg)
![](/3/images/news/2018/01/7455/2018-01-26-ecumene-009.jpg)
![](/3/images/news/2018/01/7455/2018-01-26-ecumene-010.jpg)
![](/3/images/news/2018/01/7455/2018-01-26-ecumene-011.jpg)
![](/3/images/news/2018/01/7455/2018-01-26-ecumene-012.jpg)
![](/3/images/news/2018/01/7455/2018-01-26-ecumene-013.jpg)
![](/3/images/news/2018/01/7455/2018-01-26-ecumene-014.jpg)
![](/3/images/news/2018/01/7455/2018-01-26-ecumene-015.jpg)
![](/3/images/news/2018/01/7455/2018-01-26-ecumene-016.jpg)
![](/3/images/news/2018/01/7455/2018-01-26-ecumene-017.jpg)
![](/3/images/news/2018/01/7455/2018-01-26-ecumene-018.jpg)
![](/3/images/news/2018/01/7455/2018-01-26-ecumene-006.jpg)
![](/3/images/news/2018/01/7455/2018-01-26-ecumene-002.jpg)
Падчас супольнай малітвы прадстаўнікі Цэркваў і супольнасцяў выступілі з прамовамі. Протаіерэй Сяргей Лабада, перадаючы словы прывітання і лучнасці епіскапа Магілёўскага і Мсціслаўскага Сафронія, падкрэсліў, як важна памятаць пра галоўную запаведзь Хрыста і трываць у любові да Бога і да бліжняга, «бо гэта якасць, якая асаблівым чынам адрознівае веруючага чалавека ад іншых».
«Там, дзе няма сапраўднай любові і пашаны адно да аднаго, узнікаюць падзелы, войны, няшчасці, пра што сведчаць канфлікты ў Сірыі, братняй Украіне і іншых частках свету.
Таму просім Бога, каб навучыў нас цаніць і ўцелаўляць у жыццё Яго запаведзь любіць адзін аднаго так, як Ён палюбіў нас», — завяршыў сваю прамову протаіерэй Сяргей.
Протаіерэй Дзмітрый Баркар у сваю чаргу выказаў словы прывітання епіскапа Бабруйскага і Быхаўскага Серафіма і засяродзіў увагу на патрэбе нястомнай малітвы.
«Малітва — гэта неад’емная частка нашай хрысціянскай сутнасці, гэта размова чалавека з Богам, просьба аб Божым дзеянні ў нашым жыцці і нашых справах. Шчырая і поўная даверу да Бога малітва заўсёды прыносіць плён: будзем жа трываць у ёй і асвячаць нашу штодзённасць малітвай».
Прадстаўнік Грэка-Каталіцкай Царквы айцец Васіль Ягораў у сваіх разважаннях над кнігай Быцця засяродзіўся на хрысціянскім разуменні каштоўнасці свабоды, якая «магчымая толькі тады, калі чалавек адкідае страх».
![](/3/images/news/2018/01/7455/2018-01-26-ecumene-008.jpg)
Пастар Прэсвітэрыянскай супольнасці Іван Масюра ўзгадаў словы Евангелля паводле Лукі (гл. Лк 9, 49–50), «якія павінны заахвоціць нас глядзець на іншых і адносіцца да іх па-братэрску, каб разам сведчыць аб хрысціянскіх каштоўнасцях, такіх неабходных сучаснаму свету і чалавеку».
Біскуп Аляксандр Яшэўскі SDB, які на правах гаспадара прамаўляў апошнім, спачатку падзякаваў кожнаму прадстаўніку за прынятае запрашэнне далучыцца да малітвы за адзінства хрысціянаў і за супольную малітву, «каб усе былі адно», бо менавіта аб гэтым у сваёй Першасвятарскай малітве падчас Апошняй Вячэры маліўся сам Езус Хрыстус (гл. Ян 17).
«Апошняй малітвай Езуса, якой Ён маліўся перад тым, як узысці на крыж, была просьба аб адзінстве: „Каб яны былі адно, як і Мы адно“ (пар. Ян 17, 22). Гэтымі словамі Хрыстус хацеў паказаць, што сіла адзінства — гэта тое, што неабходна Містычнаму Целу Хрыста. У адзінстве ёсць вялікі патэнцыял, велізарная моц.
Езус разумеў важнасць таго, каб Яго Касцёл (як мы кажам у заходняй традыцыі), або Яго Царква (як кажуць ва ўсходняй традыцыі), Яго народ быў адзіным, цэласнасным, моцным, благаслаўлёным. Таму Ён маліўся за адзінства сваіх вернікаў, <…> бо ведаў, што, калі мы будзем адзіныя з Ім, адзіныя адны з другімі, тады ў нас будзе ўсё, што нам патрэбна», — адзначыў каталіцкі іерарх.
Пры гэтым адказны за Магілёўскі рэгіён біскуп Аляксандр падкрэсліў, што адзінства не азначае страты сваёй уласнай тоеснасці і прыгажосць. «У аркестры ўдзельнічае шмат розных інструментаў, і кожны музыка грае сваю партытуру. Мой вопыт ігры на скрыпцы ў школьным аркестры сведчыць, што падчас рэпетыцыі бывае шмат бязладнага шуму, але калі пачынае кіраваць дырыжор, то прыходзіць гармонія і льецца выдатная музыка. <…> Бог стварыў сваё Містычнае Цела, і ўсе Яго члены маюць сваё прызначэнне, іграюць сваю партытуру, але разам мы выконваем адзіны твор — Слова Божае. Дух Святы, як дырыжор, кіруе намі і вядзе нас да трыумфу, да перамогі».
![](/3/images/news/2018/01/7455/2018-01-26-ecumene-013.jpg)
На заканчэнне біскуп звярнуўся да ўдзельнікаў са словамі заахвочвання быць актыўнымі будаўнікамі адзінства, якое вядзе ў Божае Валадарства:
«У справе адзінства паміж вызнаўцамі Хрыста Бог хоча, каб мы не былі проста гледачамі: у Божым Валадарстве няма гледачоў, а ёсць толькі ўдзельнікі. Усе мы дзеці аднаго Бога, усіх нас збавіў адзін Збаўца, і ўсіх нас чакае адзіны дом Айца — Божае Валадарства».
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)