Вернікі лідскай парафіі Узвышэння Святога Крыжа павіншавалі са святам Божага Нараджэння асобаў, якія апынуліся ў складаным матэрыяльным становішчы.
Ідэю акцыі прапанавалі парафіянам святары і сёстры законныя. У перыяд Адвэнту вернікі сабралі прадукты харчавання, прадметы першай неабходнасці, адзенне, абутак і цацкі і сфарміравалі з іх падарункі.
23 снежня моладзь разам з дыяканам Эрнэстам Мікалайчыкам і манахінямі наведалі дзяцей са шматдзетных сем’яў, а таксама самотных, хворых і пажылых людзей. Праз святочныя віншаванні, падарункі, спевы і час, праведзены разам, моладзь падзялілася радасцю Божага Нараджэння з тымі, каму сёлета асаблівым чынам патрэбна матэрыяльная і духоўная падтрымка, а таксама нагадала аб любові Пана да кожнага Яго дзіцяці.
