![](/3/images/news/2023/04/2023-04-06-Lida-5.jpg)
Увечары 6 красавіка, у Вялікі чацвер, арцыбіскуп эмэрыт Тадэвуш Кандрусевіч узначаліў цэлебрацыю святой Імшы Вячэры Пана ў парафіі Узвышэння святога Крыжа ў Лідзе (Гродзенская дыяцэзія).
Менавіта з успаміну ўстанаўлення на Апошняй Вячэры сакрамэнту Эўхарыстыі распачынаецца святы Пасхальны Трыдуум — тры дні, на працягу якіх Касцёл перажывае Пасхальную таямніцу мукі, смерці і ўваскрасення Хрыста.
![](/3/images/news/2023/04/2023-04-06-Lida-7.jpg)
Парафія Узвышэння святога Крыжа ў Лідзе з’яўляецца адной з найбольш шматлікіх парафіяльных супольнасцяў у нашай краіне. Па запрашэнні яе пробашча, Біскупскага вікарыя для Лідскага рэгіёна Гродзенскай дыяцэзіі ксяндза каноніка Уладзіміра Гуляя арцыбіскуп Кандрусевіч правядзе Пасхальны Трыдуум разам з тутэйшымі вернікамі.
У прамоўленай падчас Імшы Вячэры Пана гаміліі заслужаны іерарх звярнуў увагу на тое, што яна «нагадвае пра падзеі, якія адбыліся ў Вячэрніку дваццаць стагоддзяў таму».
![](/3/images/news/2023/04/2023-04-06-Lida-9.jpg)
«Падчас Апошняй Вячэры Езус устанавіў Эўхарыстыю, у якой Ён з’яўляецца адначасова святаром і ахвярай, каб раз і назаўсёды ахвяраваць сябе дзеля збаўлення свету. Разам з Эўхарыстыяй Езус таксама ўстанавіў сакрамэнт святарства, каб успамін Яго мукі і смерці заставаўся да канца часоў», — зазначыў арцыбіскуп эмэрыт, дадаўшы, што «Езус таксама абмыў ногі сваім вучням, каб даць прыклад пакорнага служэння апосталам і ўсім нам».
«У сучасным свеце адчуваецца недахоп духа служэння. Усе імкнуцца валадарыць. Таму прыклад Езуса з’яўляецца актуальным і ў наш час», — падкрэсліў арцыпастыр.
Ён заўважыў, што ўспамін Апошняй Вячэры Езуса з Ягонымі вучнямі «заклікае да ўдзелу ў Эўхарыстыі як сакрамэнце любові і хлебе вечнага жыцця», а таксама да малітвы аб пакліканнях да святарства.
![](/3/images/news/2023/04/2023-04-06-Lida-4.jpg)
Удзел у Эўхарыстыі, паводле заслужанага іерарха, «адраджае дух міласэрнага служэння іншым, што з’яўляецца „лакмусавай паперкай“ нашага хрысціянства, якое павінна быць жывым і прывабным, а гэта магчыма праз любоў да бліжняга і справы міласэрнасці».
«Бязмежная любоў Бога да грэшнага чалавека, апагей якой праявіўся ў Крыжовай смерці Езуса, збавіла чалавека. Таму мы павінны стаць яе носьбітамі, каб, умацаваныя Эўхарыстыяй, маглі будаваць цывілізацыю жыцця, супакою і любові», — сказаў на заканчэнне гаміліі арцыбіскуп Тадэвуш Кандрусевіч.
![](/3/images/previews/news/2023/04/s-2023-04-06-Lida-1-cb.jpg)
![](/3/images/previews/news/2023/04/s-2023-04-06-Lida-3-cb.jpg)
![](/3/images/previews/news/2023/04/s-2023-04-06-Lida-4-cb.jpg)
![](/3/images/previews/news/2023/04/s-2023-04-06-Lida-9-cb.jpg)
![](/3/images/previews/news/2023/04/s-2023-04-06-Lida-2-cb.jpg)
![](/3/images/previews/news/2023/04/s-2023-04-06-Lida-5-cb.jpg)
![](/3/images/previews/news/2023/04/s-2023-04-06-Lida-6-cb.jpg)
![](/3/images/previews/news/2023/04/s-2023-04-06-Lida-7-cb.jpg)
![](/3/images/previews/news/2023/04/s-2023-04-06-Lida-8-cb.jpg)
![](/3/images/previews/news/2023/04/s-2023-04-06-Lida-10-cb.jpg)
![](/3/images/news/2023/04/2023-04-06-Lida-1.jpg)
![](/3/images/news/2023/04/2023-04-06-Lida-3.jpg)
![](/3/images/news/2023/04/2023-04-06-Lida-4.jpg)
![](/3/images/news/2023/04/2023-04-06-Lida-9.jpg)
![](/3/images/news/2023/04/2023-04-06-Lida-2.jpg)
![](/3/images/news/2023/04/2023-04-06-Lida-5.jpg)
![](/3/images/news/2023/04/2023-04-06-Lida-6.jpg)
![](/3/images/news/2023/04/2023-04-06-Lida-7.jpg)
![](/3/images/news/2023/04/2023-04-06-Lida-8.jpg)
![](/3/images/news/2023/04/2023-04-06-Lida-10.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)