Пра гэта ў размове з Catholic.by распавёў Мітрапаліт Мінска-Магілёўскі арцыбіскуп Тадэвуш Кандрусевіч.
У кастрычніку 2018 года ў Ватыкане пройдзе Сінод Біскупаў на тэму «Моладзь, вера і распазнаванне паклікання». Як адзначыў арцыбіскуп Кандрусевіч, з гэтай нагоды ў Касцёле ў Беларусі будуць праведзены адмысловыя мерапрыемствы.
Зацверджанай тэмай новага пастырскага года на 67 пленарным пасяджэнні біскупаў стала тэма «Моладзь — надзея Касцёла і грамадства».
Паводле слоў іерарха, адным з праектаў, які плануецца ажыццявіць у новым годзе, стане стварэнне ў Мінску адмысловага моладзевага душпастырства. Арыенцірам для яго стане душпастырства OPEN з Гродна. Адмысловы дэкрэт біскупа ўжо рыхтуецца.
Даведка:
Душпастырства каталіцкай моладзі OPEN з Гродна існуе з 2006 года. Кіруе ім кс. Антоній Грэмза. Моладзь з OPEN выступае з рознымі малітоўнымі і сацыяльнымі ініцыятывамі. На рэгулярныя моладзевыя сустрэчы OPEN могуць прыходзіць як католікі, але i прадстаўнікі іншага веравызнання.
