26 лістапада ў Астраўцы ў мясцовай канцэртнай зале выступіў гурт Ave з Вышэйшай духоўнай семінарыі ў Гродне.
У апошнюю нядзелю літургічнага года семінарысты традыцыйна вырушылі ў розныя куткі дыяцэзіі, каб асабіста падзякаваць усім вернікам за матэрыяльную і духоўную падтрымку і разам з імі паглыбіцца ў сэнс урачыстасці Езуса Хрыста, Валадара Сусвету.
Таксама і гурт Ave праз сваю творчасць спрабаваў выказаць удзячнасць усім тым, хто садзейнічае фармаванню асобы будучага святара. Незвычайна цёплая і добразычлівая атмасфера панавала на працягу выступлення семінарыстаў, пакідаючы ў сэрцах слухачоў узнёслыя эмоцыі і пачуцці.
Семінарыйная супольнасць у вышэйшай ступені ўдзячна Богу за магчымасць сведчыць аб сваім пакліканні, а таксама ўзрастаць у любові і самаахвярнасці падчас сустрэчы з вернікамі, да якіх у хуткім часе семінарысты будуць пасланы.
