Увечары 27 верасня каля 15 удзельнікаў пленарнага пасяджэння Рады Канферэнцый Біскупаў Еўропы, што прыбылі ў Мінск, цэлебравалі святую Імшу ў архікатэдральным касцёле Імя Найсвяцейшай Панны Марыі.
Галоўным цэлебрантам быў кардынал Вінко Пуліч з Босніі і Герцагавіны.
Гамілію прамовіў арцыбіскуп Рыжскі Збігнеў Станкевіч. У ёй іерарх падкрэсліў супольную адказнасць хрысціян за бескарыслівае служэнне справе абвяшчэння Евангелля, што асабліва важна ў наш час, калі людзі ўсё больш засяроджваюцца на матэрыяльных рэчах і забываюцца пра духоўныя.
28 верасня еўрапейскія біскупы будуць цэлебраваць святую Імшу ў мінскім касцёле святых Сымона і Алены ў 19.00, 29 верасня - у архікатэдральным касцёле ў 18.30, 30 верасня – у касцёле на Залатой Горцы ў 18.30.
