Гэта была чатырнаццатая па ліку роварная пілігрымка ў Будслаў. З 35 чалавек, якія вырушылі ў гэтае падарожжа ў Нацыянальны марыйны санктуарый, значная частка раварыстаў пілігрымавала ў Будслаў ужо не першы раз.
![](/3/../2/images/phocagallery/2017/07/2017-07-06--hadzinski/thumbs/phoca_thumb_l_rovar%204.jpg)
Сярод іх і галоўны арганізатар — Аляксандар Ламавы.
28 чэрвеня. Усё неабходнае — у заплечнік, габарытныя рэчы — у машыну суправаджэння, і пасля ранішняй Імшы ў Чырвоным касцёле разам з Мітрапалітам Тадэвушам Кандрусевічам і духоўным кіраўніком пілігрымкі кс. Аўгустам Калясінскім пілігрымка вырушыла ў кірунку Будслава.
![](/3/../2/images/phocagallery/2017/07/2017-07-06--hadzinski/thumbs/phoca_thumb_l_rovar%2033.jpg)
Гэта былі дні, напоўненыя прыпынкамі, хуткімі рамонтамі і знаёмствамі. Час ад часу раварыстаў шчодра паліваў дождж.
![](/3/../2/images/phocagallery/2017/07/2017-07-06--hadzinski/thumbs/phoca_thumb_l_rovar%2029.jpg)
У першы дзень было пераадолена 60 км. Пасля малітвы ў касцёле ў Радашковічах пілігрымы адправіліся на начлег у вёску Дэкшняны. На другі дзень — яшчэ каля 75 км і начлег у Касцяневічах. Прыезд у вёску супаў з урачыстасцю св. Пятра і Паўла, а таксама з імянінамі мясцовага пробашча кс. Пятра Пятрагі. У гэты ж дзень пілігрымы мелі магчымасць зрабіць прыпынак ля Вілейскага водасховішча.
![](/3/../2/images/phocagallery/2017/07/2017-07-06--hadzinski/thumbs/phoca_thumb_l_rovar%2025.jpg)
На трэці дзень пілігрымы пераадолелі апошнія 40 км да Будслава, а па дарозе да іх зноў далучыўся Мітрапаліт Тадэвуш Кандрусевіч.
Моманты ўезду ў Будслаў да святыні Унебаўзяцця Найсвяцейшай Панны Марыі — неверагодныя эмоцыі і адначасова незабыўныя ўспаміны. Да сустрэчы на наступны год!
![](/3/../2/images/phocagallery/2017/07/2017-07-06--hadzinski/thumbs/phoca_thumb_l_rovar%2091.jpg)