6–9 мая ў Беларусі адбудзецца II кангрэс медыкаў-хрысціян Усходняй Еўропы. На форум запрашаюцца урачы, фельчары, мядсёстры, студэнты медыцынскіх ВНУ і каледжаў. Мэта кангрэса — аб’яднаць медыкаў у служэнні Богу і фармаваць хрыстацэнтрычную матывацыю ў прафесіі.
Важнай часткай кангрэса будзе абмен ведамі і вопытам у многіх галінах медыцыны паміж прафесіяналамі з розных краін, а таксама разважанне над складанымі этычнымі дылемамі ў сучаснай медыцынскай навуцы і практыцы, перадае Baptist.by.
Кангрэс адбудзецца ў хрысціянскім аздараўленчым цэнтры «Пярлінка», які знаходзіцца побач з вёскай Імянін (Кобрынскі раён). Сярод арганізатараў форуму — медыцынскія хрысціянскія арганізацыі Беларусі, Малдовы, Расіі і Украіны.
На кангрэс таксама запрашаюцца госці з Польшчы і краін Прыбалтыкі, а таксама студэнты-замежнікі, якія вучацца ў медыцынскіх ВНУ краін Усходняй Еўропы. Сярод лектараў кангрэса — эксперты з Вялікабрытаніі, Германіі, Галандыі, ЗША і іншых краін.
Працоўная мова кангрэса — руская. Плануецца арганізацыя сінхроннага перакладу пленарных мерапрыемстваў для англамоўных удзельнікаў.
Фармат кангрэса прадугледжвае мерапрыемствы, накіраваныя на фарміраванне духоўнай сталасці, развіццё творчай самарэалізацыі і прафесійны рост хрысціянскіх медыцынскіх спецыялістаў. Удзельнікаў чакаюць біблейскія лекцыі і час з Богам; прафесійныя семінары; абмеркаванне складаных медыка-этычных пытанняў; абмен досведам і час на размовы.
Арганізатары выказваюць надзею, што гэтая сустрэча стане выдатным прыкладам хрысціянскага адзінства і стане натхеннем для служэння Богу на сваім працоўным месцы, а пачутыя ісціны дапамогуць медыкам-хрысціянам убачыць сваю прафесію ў святле Святога Пісання.
Паводле krynica.info
(VGr)
