У пятніцу 3 ліпеня, на якую прыпадае першы дзень святкавання галоўных урачыстасцяў ў санктуарыі Маці Божай у Будславе, а таксама Дзень Незалежнасці Рэспублікі Беларусь, у Мінска-Магілёўскай архідыяцэзіі ўдзяляецца дыспенсацыя (вызваленне) ад абавязку ўстрымання ад спажывання мясных страваў.
У паведамленні курыі Мінска-Магілёўскай архідыяцэзіі на гэты конт гаворыцца наступнае:
Згодна з прадпісаннямі кан. 87 §1 і 1251 ККП у сувязі з Будслаўскімі ўрачыстасцямі, а таксама са святкаваннем Дня Незалежнасці Рэспублікі Беларусь, арцыбіскуп Юзаф Станеўскі ўдзяліў дыспенсацыю ад абавязку ўстрымання ад спажывання мясных страваў на дзень 3 ліпеня 2026 года ўсім вернікам Мінска-Магілёўскай архідыяцэзіі, а таксама ўсім, хто ў гэты дзень будзе знаходзіцца на тэрыторыі архідыяцэзіі.
Усіх, хто будзе карыстацца гэтай дыспенсацыяй, арцыбіскуп заахвочвае да малітвы ў інтэнцыях Святога Айца.
