11 лютага ў катэдральнай базыліцы Унебаўзяцця Найсвяцейшай Панны Марыі ў Пінску прайшла вячэрняя святая Імша за спачылага біскупа Казіміра Велікасельца напярэдадні пахавання, якой папярэднічалі Нешпары.
Эўхарыстыю ўзначаліў біскуп Пінскі Антоні Дзям’янка. Разам з ім канцэлебравалі арцыбіскуп Юзаф Станеўскі, Мітрапаліт Мінска-Магілёўскі, Старшыня ККББ, арцыбіскуп эмэрыт Мінска-Магілёўскі Тадэвуш Кандрусевіч, біскуп Андрэй Зноска, дапаможны біскуп Пінскай дыяцэзіі, і святары.
У прамоўленай гаміліі біскуп Андрэй Зноска падзяліўся ўспамінамі пра спачылага біскупа Велікасельца. Іерарх адзначыў, што біскуп Казімір адбыў своеасаблівы, непаўторны шлях жыцця, напрыканцы якога яго чакала вечная ўзнагарода.
Пастыр распавёў, што спачылы іерарх, падобна старажытным філосафам і раннехрысціянскім айцам Касцёла, падараваў яму свой плашч. Гэта сведчыць аб тым, што біскуп Велікаселец быў шчодрым і не шкадаваў для іншых таго, што меў.
Эўхарыстыя завяршылася пастырскім благаслаўленнем, якую ўдзялілі ўсе прысутныя біскупы.
