Святочны час з нагоды ўрачыстасці Божага Нараджэння Генеральны настаяцель Ордэна Меншых Братоў Капуцынаў брат Робэрт Генуін OFMCap вырашыў правесці з братамі ў Беларусі.
Пасля адміністрацыйнага перападпарадкавання Кустодыі капуцынаў Беларусі непасрэдна Генеральнаму міністру ў ліпені 2024 года, увосень гэтага ж года брат Робэрт быў пераабраны вышэйшым кіраўніком Ордэна на другі тэрмін. У згаданым выбарчым капітуле браў удзел настаяцель беларускіх капуцынаў брат Алег Шэнда OFMCap.
Брат Робэрт нарадзіўся ў паўночнаітальянскім горадзе Фалькадэ, які знаходзіцца непадалёк ад Венецыі. Імклівы капуцын паспяхова прайшоў гады фармацыі ў Ордэне, на заканчэнне якой была абаронена доктарская дысертацыя па кананічным і грамадзянскім праве ў Папскім Латэранскім універсітэце. Перад тым, як узначаліць Ордэн, брат Робэрт выкладаў ва ўніверсітэце і быў настаяцелем капуцынскага кляштара ў Равэрэта.
Афіцыйны візіт брата Робэрта Генуіна будзе доўжыцца некалькі дзён, падчас якіх запланаваны шэраг сустрэч непасрэдна з братамі ордэна, а таксама прадугледжаныя візіты ветлівасці да касцёльных іерархаў і прадстаўнікоў дзяржаўнай улады.
Свята Божага Нараджэння брат Робэрт правядзе ў цёплым сямейным коле братоў і вернікаў парафіі святога Францішка Асізскаага ў Копішчы (Мінска-Магілёўская архідыяцэзія, дэканат Мінск-Усход).
