![](/3/images/resources/mix/dyjacezii.jpg)
30 жніўня Старшыня Канферэнцыі Каталіцкіх Біскупаў у Беларусі арцыбіскуп Юзаф Станеўскі, Мітрапаліт Мінска-Магілёўскі, скіраваў віншаванні Прэзідэнту Рэспублікі Беларусь Аляксандру Лукашэнку, які ў гэты дзень адзначае сваё 70-годдзе.
Паважаны Аляксандр Рыгоравіч!
Ад імя Канферэнцыі Каталіцкіх Біскупаў Беларусі, святароў, кансэкраваных асобаў, семінарыстаў і народа Божага Каталіцкага Касцёла ў нашай краіне маю гонар выказаць самыя сардэчныя віншаванні з Вашым 70-годдзем.
Ад усёй душы віншую Вас з днём нараджэння, які азначае сабой пачатак новага года ў Вашым жыцці.
Няхай дапамога Усявышняга ўмацуе Вас у здзяйсненні добрых спраў на карысць нашага народа, на карысць дарагой Радзімы Рэспублікі Беларусь.
Няхай Усемагутны Бог захавае Вас у здароўі, міры і спакоі на доўгія і благаслаўлёныя гады.
Разам з вернікамі Каталіцкага Касцёла ў Беларусі мы давяраем усё Вашае жыццё і служэнне Маці Божай Будслаўскай, Апякунцы Беларусі, Вашаму нябеснаму заступніку святому Аляксандру на доўгія гады!
З павагай і малітвамі,
✠ Арцыбіскуп Юзаф Станеўскі
Мітрапаліт Мінска-Магілёўскі
Старшыня Канферэнцыі каталіцкіх біскупаў Беларусі.
Мінск, 30 жніўня 2024 г.