27 красавіка байкеры і матацыклісты, сярод якіх былі таксама святары, супольна адкрылі мотасезон 2024.
Аматары жалезных коней з розных куткоў Беларусі сабраліся на супольную святую Імшу ў касцёле святога Андрэя, апостала, у мястэчку Нарач (Мінска-Магілёўская архідыяцэзія, Мядзельскі дэканат).
Пасля святой Імшы адбылося благаслаўленне транспартных сродкаў. Памаліўшыся, байкеры выехалі па прыгожых мясцінах Нарачаншчыны і святых месцах наваколля.
Яны таксама наведалі касцёл святога Юрыя ў Варнянах і капліцу святой Філамены ў Вароне (Гродзенская дыяцэзія, Астравецкі дэканат), дзе адбылася экскурсія.
Касцёл і вера ў Беларусі адраджаюцца, пра што яскрава сведчыць і той факт, што нават байкеры цягнуцца да Бога.
