У велікодным нумары газеты Гродзенскай дыяцэзіі «Слова жыцця» (№7 (628) 2024) — гісторыі тых, хто робіць Вялікдзень радасным для людзей у патрэбе, сведчанне веры незвычайных сем’яў, парады псіхолага адносна балансу інтарэсаў і нямала іншых змястоўных матэрыялаў.
Калі адкрываюцца дзверы Божага Валадарства. Вялікдзень — гэта не заўсёды святочна ўбраныя кошыкі і багата накрыты стол. Што робіць перажыванне свята радасным і светлым для патрабуючых: хворых, самотных, вязняў?
Няма падзелу дзяцей на сваіх і чужых. Гісторыі сем’яў, якія ўзялі пад апеку прыёмных дзяцей і ў якіх узраслі пакліканні да службы Богу і людзям.
Інтарэсы мае і бліжняга: дзе залатая сярэдзіна? Пра тое, як балансаваць паміж задавальненнем уласных патрэб і патрэб іншых, разважае псіхолаг.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 31 сакавіка ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
