Мітрапаліт Мінска-Магілёўскі арцыбіскуп Юзаф Станеўскі заахвочвае святароў Мінска-Магілёўскай архідыяцэзіі ў Пальмовую нядзелю 24 сакавіка ў малітве вернікаў выкарыстаць пададзеную ніжэй просьбу за пацярпелых падчас нядаўняга тэрарыстычнага акту ў Маскве.
Молімся за ахвяры войнаў і тэрарыстычных актаў.
Няхай Міласэрны Бог прыме нявінную ахвяру загінулых і адорыць іх вечным жыццём у Валадарстве Неба, якое здабыў для ўсіх Езус Хрыстус праз сваю Ахвяру на Крыжы, а параненых і церпячых, а таксама тых, хто знаходзіцца ў жалобе, умацуе сваёй ласкай у цярпенні.
Просім таксама аб ласцы навяртання для злачынцаў, а для ўсіх нас — аб супакоі і аб здольнасці прабачэння.
