2 сакавіка маладыя вернікі парафіі святога Арханёла Міхала ў Навагрудку (Гродзенская дыяцэзія) разам са сваім пробашчам, ксяндзом Юрыем Жэгарыным, наведалі інвалідаў і старэйшых людзей у Навагрудскім аддзяленні пастаяннага прабывання.
Сустрэча адбылася дзякуючы запрашэнню кіраўніцтва гэтай раённай установы, дзе знаходзяцца каля 30-і чалавек, якія патрабуюць спецыяльнай апекі і малітвы.
Касцёльная моладзь падрыхтавала адмысловую музычную малітву-разважанне на тэму веры, надзеі і любові.
Парадавалі старэйшых людзей таксама неабходнымі ў быце падарункамі, а ксёндз Юрый кожнаму пастаяльцу гэтай сацыяльнай установы падараваў асвячаны цудадзейны медалік Беззаганнага Зачацця Найсвяцейшай Панны Марыі і звярнуўся да іх са словамі падтрымкі і надзеі.
