Свежы нумар газеты Гродзенскай дыяцэзіі «Слова жыцця» (№5 (626) 2024) знаёміць з дзейнасцю Дабрачыннага каталіцкага таварыства Caritas, якое ўжо тры дзесяцігоддзі дапамагае патрабуючым на Гродзеншчыне.
«Дзейсная любоў». Дыяцэзіяльнаму Caritas 30 гадоў. У матэрыяле пададзены гісторыі рэальных людзей, якія апавядаюць пра тое, як і каму дапамагае дабрачыннае каталіцкае таварыства ў Гродзенскай дыяцэзіі.
Дазволіць абудзіцца радасці веры. Чытачам прапануецца задумацца над тым, што дае паўнату шчасця. Пра хрысціянства і радасць разважае пробашч парафіі святога Мікалая, біскупа, у Міры (Навагрудскі дэканат) ксёндз Аляксандр Севасцьяновіч.
Псіхалагічная самаабарона — гэта нармальна? Тым, якімі ахоўнымі механізмамі карыстаецца чалавек у стрэсавых сітуацыях, дзеліцца псіхолаг.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 3 сакавіка ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
