Катэхетычны аддзел Віцебскай дыяцэзіі сардэчна запрашае да ўдзелу ў VI Дыяцэзіяльным конкурсе на веданне Святога Пісання дзяцей з каталіцкіх парафій Мінска Магілёўскай архідыяцэзіі, Віцебскай, Гродзенскай і Пінскай дыяцэзій.
Удзельнікі будуць падзелены на дзве ўзроставыя катэгорыі:
- 1 катэгорыя — дзеці ад 7 да 11 гадоў уключна
- 2 катэгорыя —дзеці ад 12 да 17 гадоў уключна
Тэма біблійнага конкурсу — «Цуды Езуса Хрыста ў Евангеллях».
Падчас падрыхтоўкі карыстаемся тэкстам першага поўнага афіцыйнага рыма-каталіцкага выдання на беларускай мове «Новы запавет» (Мінск, 2017).
Пытанні конкурсу будуць гучаць на беларускай мове.
Час на выкананне задання — 45 хвілін.
Конкурс складаецца з трох этапаў: парафіяльнага, дэканальнага і дыяцэзіяльнага.
Правядзенне першага (парафіяльнага) этапу запланавана на 6 (7) красакавіка.
Для ўдзелу ў конкурсе неабходна да 17 сакавіка 2024 года ўключна даслаць арганізатарам па электроннай пошце запоўнены фармуляр для запісу>>
Дэканальны этап адбудзецца 20 (21) красакавіка.
У дыяцэзіяльны (фінальны) этап праходзяць па 2 удзельнікі з кожнай катэгорыі (усяго 4 удзельнікі) ад дэканату, якія атрымалі найбольшую колькасць балаў. У выпадку, калі ў нейкім дэканаце не набярэцца адпаведнай колькасці фіналістаў, яны будуць выраныя з ліку удзельнікаў з іншых дэканатаў, якія занялі трэцяе месца ў дадзеным этапе.
Фінал Конкурсу запланаваны на першую палову мая 2024 года ў Віцебску.
Прыкладная колькасць фіналістаў — да 70 чалавек.
Каардынатарам конкурсу з’яўляецца сястра Марыя Шамовіч.
Пытанні і прапановы, звязаныя з конкурсам, можна скіраваць на электронную пошту: catechesisvitebsk@gmail.com
