Дабрачыннае каталіцкае таварыства Caritas Мінска-Магілёўскай архідыяцэзіі з 2020 года рэалізуе сацыяльны праект Good start па дапамозе для тых сем’яў, якія пасля нараджэння дзіцяці часта застаюцца сам-насам са сваімі праблемамі.
Супрацоўнікі і валанцёры рэлігійнай місіі рыхтуюць наборы для немаўлят, якія перадаюць у прыёмныя, няпоўныя, шматдзетныя і малазабяспечаныя сем’і, якія маюць дзяцей ва ўзросце да году.
У такі набор для немаўляці ўваходзяць пялюшкі, вільготныя сурвэткі, пасцельная бялізна, сродкі гігіены, дзіцячае харчаванне, памперсы і г.д.
Спісы сем’яў, якія атрымліваюць такую дапамогу, складаюцца па пісьмовых зваротах ад фізічных асоб, сацыяльных устаноў, грамадскіх арганізацый, парафій Мінска-Магілёўскай архідыяцэзіі.
За мінулы год Caritas Мінск дапамог такім чынам больш як 500-м сем’ям. Сёлета плануецца забяспечыць яшчэ каля 800 сем’яў наборамі для немаўлят.
Праект Good start рэалізуецца дзякуючы падтрымцы Caritas дыяцэзіі Лінца (Аўстрыя).
