![](/3/images/news/2024/01/2024-01-09-ministranty_seminaria_5ffff.jpg)
З 5 па 7 студзеня, падчас зімовых канікул, у Міждыяцэзіяльнай вышэйшай духоўнай семінарыі ў Гродне праходзілі рэкалекцыі для юнакоў і міністрантаў «Малітва ў маім жыцці».
Як паведамляе Прэс-служба Гродзенскай дыяцэзіі, у духоўных практыкаваннях удзельнічалі маладыя людзі з розных мясцін Гродзенскай дыяцэзіі.
Рэкалекцыі распачаліся ўвечары святой Імшой, цэлебрацыю якой у капліцы Міждыяцэзіяльнай семінарыі ўзначаліў рэктар гэтай духоўнай навучальнай установы ксёндз канонік Віталь Вайцяхоўскі.
Удзельнікі духоўных практыкаванняў маглі засяродзіць увагу на асабістай малітве, а дапамаглі ім у гэтым духоўны айцец семінарыі ксёндз Ян Сарэла, ксёндз Павел Скуба і ксёндз Ян Раманоўскі.
Таксама падчас рэкалекцый маладыя людзі наведалі гродзенскую парафію Маці Божай Анёльскай. Айцец Павел Раманчук OFMConv арганізаваў для іх цікавую экскурсію і пазнаёміў з гісторыяй касцёла. Таксама яны пабывалі ў катэдральнай базыліцы святога Францішка Ксавэрыя, дзе перад цудадзейным абразом Маці Божай Кангрэгацкай узнеслі малітвы да Найсвяцейшай Панны Марыі.
![](/3/images/news/2024/01/2024-01-09-ff.jpg)
Духоўныя практыкаванні завяршыліся ў нядзелю Хросту Пана ўрачыстай святой Імшой у гродзенскай катэдры.
Перад развітаннем ксёндз Ян Сарэла благаславіў кожнага з удзельнікаў на добры шлях да родных парафій.
Дні, праведзеныя ў семінарыі, сталі для маладых людзей нагодай да далейшага ўмацавання сваіх адносін з Богам.
![](/3/images/previews/news/2024/01/s-2024-01-09-ministranty_seminaria_14.jpg)
![](/3/images/previews/news/2024/01/s-2024-01-09-ministranty_seminaria_7.jpg)
![](/3/images/previews/news/2024/01/s-2024-01-09-fff.jpg)
![](/3/images/previews/news/2024/01/s-2024-01-09-f.jpg)
![](/3/images/previews/news/2024/01/s-2024-01-09-ff.jpg)
![](/3/images/previews/news/2024/01/s-2024-01-09-ministranty_seminaria_4.jpg)
![](/3/images/previews/news/2024/01/s-2024-01-09-ministranty_seminaria_10.jpg)
![](/3/images/previews/news/2024/01/s-2024-01-09-ministranty_seminaria_13.jpg)
![](/3/images/previews/news/2024/01/s-2024-01-09-ministranty_seminaria_6.jpg)
![](/3/images/news/2024/01/2024-01-09-ministranty_seminaria_14.jpg)
![](/3/images/news/2024/01/2024-01-09-ministranty_seminaria_7.jpg)
![](/3/images/news/2024/01/2024-01-09-fff.jpg)
![](/3/images/news/2024/01/2024-01-09-f.jpg)
![](/3/images/news/2024/01/2024-01-09-ff.jpg)
![](/3/images/news/2024/01/2024-01-09-ministranty_seminaria_4.jpg)
![](/3/images/news/2024/01/2024-01-09-ministranty_seminaria_10.jpg)
![](/3/images/news/2024/01/2024-01-09-ministranty_seminaria_13.jpg)
![](/3/images/news/2024/01/2024-01-09-ministranty_seminaria_6.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)