4 кастрычніка брат Сяргей Крывы, які паходзіць з Верхнядзвінска (Віцебская дыяцэзія, Полацкі дэканат) падчас святой Імшы даў першыя манаскія абяцанні ў кангрэгацыі ксяндзоў марыянаў.
Урачыстасць першых манаскіх абяцанняў адбылася ў прысутнасці правінцыяльнага настаяцеля супольнасці марыянаў ксяндза Яўгена Зажэчнага МІС у санктуарыі святога Крыжа ў Скурцы (Польшча).
У гэтай мясцовасці ўжо на працягу некалькі стагоддзяў, хоць і з пэўнымі перапынкамі, знаходзіцца навіцыят марыянаў.
Падтрымаць брата Сяргея ў гэты важны для яго і ўсёй супольнасці дзень прыехалі марыяне і запрошаныя госці з розных мясцін.
Пасля належнага адпачынку брат Сяргей Крывы МІС працягне сваю манаскую фармацыю ў марыянскай семінарыі ў Любліне (Польшча).
