30 верасня ў касцёле святога Піо ў Маладзечне (Мінска-Магілёўская архідыяцэзія) адбылася сустрэча супольнасці Францішканскага Ордэна Свецкіх (ФОС).
Супольнасці Трэцяга ордэна святога Францішка з Асізі існуюць пры кляштарах братоў капуцынаў і айцоў канвентуальных францішканаў у Глыбокім, Друі, Івянцы Мінску і Удзеле.
Каля 30-і братоў і сясцёр ФОС з розных рэгіёнаў усходняй часткі краіны сустрэліся ў Маладзечне ўпершыню.
Мерапрыемства распачалося са святой Імшы, цэлебрацыю якой узначаліў айцец Яўген Голуб OFMConv.
Пасля Літургі брат Яраслаў Крыловіч OFMCap, Нацыянальны асістэнт ФОС Беларусі, правёў катэхезу па тэме «Рэгіянальная супольнасць: што гэта і навошта?».
Напрыканцы сустрэчы айцец Яўген распавёў прысутным свецкім францішканам пра этапы, якія павінна прайсці кожная супольнасць у сваім развіцці.
