23 верасня ў выставачнай зале вілейскага краязнаўчага музея імя Нікадзіма Сілівановіча адбылося адкрыццё выставы Ядзвігі Сянько «Спісы цудадзейных абразоў Маці Божай», прымеркаванай да 110-годдзя касцёла Узвышэння Святога Крыжа ў Вілейцы (Мінска-Магілёўская архідыяцэзія).
Спісы найбольш шанаваных на нашых землях Марыйных абразоў, якія ўжо трэці год перэгрынуюць па парфіях Беларусі і за мяжой, прыбылі ў Вілейку 11 верасня. Іх прывіталі мясцовыя вернікі і з пашанаю ўнеслі ў святыню, дзе мелі магчымасць маліцца перад імі падчас святочных цэлебрацый з нагоды 110-годдзя з часу пабудовы вілейскага касцёла.
У адкрыцці выставы ў краязнаўчым музеі бралі ўдзел пробашч парафіі Узвышэння Святога Крыжа ў Вілейцы ксёндз канонік Аляксандр Барыла, дэкан Вілейскі, святары, удзельнікі перэгрынацыі, госці, а таксама аўтар спісаў ікон, мастачка з Маладзечна Ядзвіга Сянько.
Выставу можна наведаць у выставачнай зале музея да 29 верасня ў часы працы з 10.00 да 18.30.
