З 4 верасня ў катэдральным касцёле Найсвяцейшага Імя Марыі ў Мінску да сакрамэнту споведзі можна будзе прыступіць не толькі перад святымі Імшамі, але таксама на працягу дня.
Па працоўных днях (з панядзелка па пятніцу) з 10-й да 17-й гадзіны (з перапынкам з 13.00 да 14.00) святары будуць цэлебраваць сакрамэнт пакаяння і паяднання для ўсіх ахвотных.
Таксама ў гэтыя дні будзе адбываццца адарацыя Найсвяцейшага Сакрамэнту. Пачатак адарацыі пасля святой Імшыы а 15-й гадзіне; заканчэнне адарацыі — перад святой Імшой у 18.30.
Пробашч мінскай катэдральнай парафіі ксёндз канонік Дзмітрый Пухальскі запрашае да малітвы.
