Чарговы нумар газеты Гродзенскай дыяцэзіі «Слова жыцця» (№ 15 (613) 2023) выходзіць у свет у Сусветны дзень бабуль, дзядуляў і пажылых людзей, які 23 ліпеня па ініцыятыве Папы Францішка ўжо ў трэці раз адзначаць ва ўсім Касцёле.
Ёсць чаму павучыцца, або Яны маюць рацыю. У матэрыяле ідзе гаворка пра тое, кім жыццёвым досведам могуць падзяліцца старэйшыя асобы і што сёння яны хочуць сказаць нашчадкам?
Ціхі і пакорны сэрцам. У газеце публікуюцца ўспаміны пра спачылага ксяндза прэлата Антонія Філіпчыка, які быў шматгадовым пробашчам парафіі святога Вацлава ў Ваўкавыску і адышоў у вечнасць 9 ліпеня.
Як жыць поўным жыццём? Пра тое, як важна заставацца ў кантакце з сабой, разважае псіхолаг.
Набыць газету можна будзе пачынаючы з 23 ліпеня ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
